minsan, isang dise nuebe anyos na bata nagpatali sa telebisyon
matatag kang nakikipagtitigan sa telebisyon ng labin tatlong oras. lahat na ay iyong nasaksihan, mula sa balita sa umaga, cartoons,talkshows,malilibog na telenobela hanggang sa balita na naman .
papalit-palit ng mga numero sa itaas ng kanang bahagi nito. habang palipat-lipat din naman ang mga eksenang nang aanyaya. sa sobrang aliw ay nakanganga kang nakatitig dito na kung tutuusin ay wala sa isang dipa ang pagitan ninyo.
naninigas na batok, kumikirot na ulo. hindi pa rin matinag.
humihiyaw ang mga gawain na humihingi ng iyong atensiyon.
masarap magpakasasa sa presinta ng mga iba’-ibang programa. hanggang sa naramdaman mo ang iyong mukha na ay nakadait sa mainit na salamin nito. nakakalulala. hipnotismong naglalaro.
katahimikan.
nilamon ka na pala nito ng buong-buo.
balik sigla ang screen, maingay ang tugtog ng musika.
pumasok ang iyong ina, "Ano bang bata ito, sinasabi ko na huwag iiwan ang tv na nakabukas!", sabay pindot sa malaking buton ng telebisyon.
